Latest

NEW 

New Poem

Dil ke Zakhmon ke Sada Bahar Gulab
__________________________________

Meri sanson se zindgi pa ker
shab-o-roz yeh jawan hue
Jo rag-e-jaan mein tha sar-gardaN
Nazran-e-mehr-o-wafa tehra
Waqt ki badhti shakhon per
Pyar tehra keh khar thera
Kis ne geeton ki tamanna ki thi?
Kaun gum naam sada thera ?
Mein zindgi ki rahon mein
Kiya tha magar, Kiya thera
Magar abhi bhi
Aey Hum nafas
Dil mein zakhmon ke sada bahar gulab
sukhay hain na sukhain gay kabhi
yeh Hayyat-e-javidan le ker
Dil-o-jaan mein bus agy jub se
Sozash-e-dard se HUm nihaal hue

Chand sikon mein bik gaya wo ba zameer shaks
Jiss ko kabhi khaloos se kharida na ja saka

Banam-e-muhabbat Neelam ho chaley hain
Kabhi Khas they jo woh Aam ho chaley hain
Jo "HAWWA ki beti" rahi na kaheen bhi
To "Hawas ke pujari" bhi aam ho chaley hain
Muhabbaton mein kaisi hai yeh bad-hawasi
Hawas ke hi rishtay Tamam ho chaley hain

Tujeh  subah  ka  ujala,  ya koi shaam likhon
Aey paikar-e-Muhabbat tuje kiya  payam likhon
mein jub  bhi  sochata  hoon  umwan zindgi ka
Mera dil yeh chahta hai mein tera naam likhon

Jurm teri  muhabbat  ka  jo  sir laitey
Hum  bhi  teri  gali  mein  ghar laitey

Hawaon ke bharosey pe jalaya tha chiragh
Hawain  na  bujhateen  to  khabar Laitey

Mittay Nahi nishaN Dil-e-Daghdar ke
Padney lage Hain saye Gham-e-rozgar ke
Khudaya tu in dino ko kuch to taveel ker
keh phir na mil sakeen ge yeh din khumar ke

Mein jub bhi aaina dekhata hoon
Tou aaina bhi hans deta hai
Mein poochata hoon ke kiya dekha
Woh kehta hai bus rehney do 

Kuch is tarah se aaj kal hum jiya kertey hain
Her aap pe  hum apney  lub  siya  kertey hain

Woh aur hon ge chalaktey  hain sager  jin ker
Hum to be bus hain tukron mein piya kertey hain

Yeh dastoor-e-muhabbat hai ya muqadar apna
Phool de ke bhi hum zakham liya kertey hain 

PYAR MEIN HOTA HAI MAZA IQRAR SE PEHLAY

Pyar mein hota hai maza iqrar se pehlay
Pyar bhi hota hai saza  iqrar se pehlay
Jaan bhi le leta hai halka sa tabassum
Her Mod pe hoti hai qaza iqrar se pehlay
Mamool ki bateen bhi mamooli nahi lagteen
Her baat mein hoti hai ada iqrar se pehlay
Be chaini si rehti hai deedar ki khatir
HOti hai shab-o-roz dua iqrar se pehlay
Kabhi jadoo kabhi tonna kabhi taweez wagera
kia kia nahi hota hai aey khuda iqrar se pehlay
Raton mein kabhi chain se sona nahi milta
Uth Uth ke bhi detey hain sada iqrar se pehlay
Qayamat se bhi pehlay qayamat hai guzarti
Mehbooba jo ho jay khafa iqrar se pehlay
Hai marz yeh aisa ke shifa bhi nahi milti
Kerti nahi asar dawa iqrar se pehlay
Duniya mein kabhi SAHIL dil koi na tootay
Dono ko samajh aye wafa iqrar se pehlay 

Bhool Gay Ho

Hum ne kitna chaha tum ko
Bhool gay ho bhool gay ho
wo rateen sari
Woh bateen sari
woh sarey lamhe
yad hai mujh ko
Ab bhi woh sab
Jaisy kal ki baat ho yeh sab
Lekin tum to aisey bhooley
lagta hai sadiyan beet gai hain